A nova sesión de La Jam de La Casa de Arriba abrirase cun concerto do Héctor Agulla Trío, formado polo batería Héctor Agulla, o pianista Sunil López e o contrabaixista José Manuel Díaz. O grupo ofrecerá un repertorio baseado en versións e arranxos persoais dalgunhas das cancións que marcaron a traxectoria musical e vital do seu líder.

Tras o concerto inicial, a noite continuará coa habitual jam session aberta, unha cita xa consolidada para os amantes do jazz e da improvisación na cidade.