La Jam de La Casa de Arriba regresa cunha nova sesión protagonizada por GEFE, o trío formado por Guillermo Guerrero (guitarra), Xurxo Estévez (contrabaixo) e Miguel Fernández (batería). O grupo presentará unha proposta baseada na improvisación, a escoita e a interacción entre músicos, combinando composicións propias con pezas que serven de punto de partida para explorar novos camiños sonoros en cada actuación.

Tras o concerto de apertura, a noite continuará coa habitual jam session aberta, convertendo o local nun punto de encontro para amantes do jazz e da música en directo.