A Comisión de Festas de Zamáns despide a tempada cunha última gran noite de festa no Parque Forestal de Zamáns. A cita será o venres 21 de agosto, a partir das 23:59 horas, baixo o nome de “La Despedida”, unha proposta coa que a organización quere poñer o broche final aos eventos deste ano e agradecer o apoio recibido durante toda a tempada.

A música correrá a cargo de DJ Pitty, DJ Khris Guez e DJ Fercho RC, que serán os encargados de manter o ambiente durante a madrugada cunha sesión pensada para bailar e despedir o verán por todo o alto.