La Chata Soul é un grupo formado na cidade de Vigo no ano 2016 pero con alma internacional, un trazo que se reflicte tanto na orixe dos seus membros como no propio carácter da súa música. A base dos seus temas ten a súa orixe na música negra, abranguendo xéneros como o blues, o soul, o funk ou o rhythm and blues. A través do seu directo, a banda traslada este sentimento ao público de inmediato, ofrecendo unha viaxe á música doutra época de xeito directo e cheo de enerxía.