Organizado por johnjackson e jackjohnson.

Desta vez o evento circense e de maxia terá lugar nun emprazamento moi especial: o hall do antigo Cine Vigo, na rúa López de Neira, 22. Este espazo espertará a nostalxia de quen teña desfrutado de algunha proxección nas súas butacas.

O espectáculo comezará ás 19:00 h, coa apertura de portas prevista para as 18:30 h. Deste xeito, os asistentes poderán ser recibidos polos propios artistas e desfrutar do ambiente do local antes do inicio dun show que promete ser un “melocotonazo” de medo.

A cita será o vindeiro día 18. As entradas poden adquirirse en Apiramoria e en LARECA, ambos establecementos situados na zona de Churruca.