Kamaal Williams

Adaptar e reinventar o Jazz para o padal moderno non parece tarefa fácil. Para Kamaal Williams é un chasquido de dedos. Ou quizá varios chasquidos astutamente ordenados para crear unha base rítmica. Despois, pianos, cordas, arpas, contrabaixos, saxos, voces… Todos dispostos cun gusto exquisito como en ‘Wu Hen’, o seu último longo, onde hai millóns de arranxos e sons e ningún parece tapado, é irrelevante ou despraza a outro. Harmonía, chámase. Henry Wu (nome real deste teclista e produtor londiniense) cose o jazz coa música urbana e a psicodelia co R&B. E, como resultado, a súa cidade natal atopa o soundtrack perfecto para esa choiva fina que non cesa; para eses ronseis de luz que deixan os coches ao circular pola noite; para ese cocktail bar tan molón pero ao que seguro que lle poderías mellorar o fío musical. Claro, poñerías a Kamaal.

Entrada anticipada: 20 € en SonEstrellaGalicia / Taquilla 25 €