A sala El Contrabajo organiza un concerto de Kalte Stone, xunto a Baleas.

Kalte Stone é un trío instrumental lucense de post-rock-metal, nado no ano 2013. Durante a súa andadura, percorreron diversos escenarios de España, Portugal, Francia e Italia, compartindo espazo con bandas como Aathma ou Monkey3. O pasado ano 2024, publicouse o LP Laniakea Communique, un álbum composto por catro temas no que, ademais, colaboran Iván Ferro e Abraham Cupeiro.

Baleas é unha banda, nada da unión de antigos músicos doutros grupos, que se caracteriza pola súa particular maneira de entender a música. Ata o momento, publicaron L’appel du vide e Bokeh, dous EP autoproducidos que reflicten a gran variedade de influencias que teñen.