Julian Maeso

Julián Maeso promete dar o 18 de febreiro un concerto inesquecible no Island Club de Vigo, dentro do ciclo “Mais que Blues- Cervexas Alhambra” que ademais forma parte de “Momentos Alhambra”, onde se engloban todas aquelas experiencias singulares que apostan polo descubrimento de creacións auténticas feitas para gozar sen présa e cos cinco sentidos.

Estamos ante un músico para o que non existen barreiras. Do Blues ao Folk Rock e do Soul ao Funk sen deixar atrás as arquitecturas jazzísticas. Sempre mesturando e alternando as súas guitarras ao hammond que nos transporta á América dos 70, xunto a unha voz embriagadora que, en ocasións crebada, ás veces rumoreando, irá invadindo progresivamente os nosos corazóns o próximo 18 de febreiro, noutra noite do “Mais que Blues – Cervexas” que promete ser inesquecible.

Durante máis de dúas horas e acompañado por The B Siders (Luke Jennings / Gregor Ou’Gregin / Mariño Framus) , ofrecerá un show dividido en dous partes: unha onde destacará a súa faceta compositiva en clave de Country, Folk, Pop e outra final onde bailarás sen descanso a ritmo de Funk, Soul, R&B… Un final onde Maeso levaranos ao Nova Orleans en pleno Mardi Gras, rememorando así a figura do emblemático Dr. John.

Custa desde15,00 € anticipada en Discos Elepé, Honky Tonk Discos ou en http://www.entradium.com/.