A cantante e trompetista portuguesa Jéssica Pina ofrecerá un concerto aberto ao público nas escaleiras do MARCO con motivo do Día de Portugal, de Camões e das Comunidades Portuguesas. A artista, unha das voces emerxentes da música portuguesa contemporánea, combina influencias do jazz, funk, soul e R&B nunha proposta persoal e versátil.

A actuación está organizada polo Consulado Xeral de Portugal en Vigo e busca reforzar os vínculos culturais entre Portugal e Galicia a través da música. Jéssica Pina formou parte da xira mundial Madame X World Tour de Madonna e é autora do EP Vento Novo.