Inauguración da exposición Interaccións. Espazo, corpo e obxecto na Fundación Laxeiro cunha performance en directo da artista Maria Roja.

A exposición é a terceira achega do ciclo Un grito por Bellas Artes, que a Fundación Laxeiro inclúe na súa programación anual de exposicións temporais, unha mostra realizada en colaboración coa Universidade de Vigo, na que participa alumnado, persoas graduadas e profesorado con vinculación pasada ou presente coa Facultade de Belas Artes de Pontevedra.

Na exposición, comisariada por Basilisa Fiestras, participan os artistas Manuel Balsas; Román Corbato & Miguel Benjumea; Suso Fandiño; Isis Huerga e María Roja.