A Sala Rebullón acolle este venres 4 de setembro unha noite de power metal encabezada polos alemáns Induction, acompañados polas bandas galegas Unchosen Ones e Eleven.

A nova xeración do power metal europeo fará parada esta semana na contorna de Vigo. Induction inicia na Sala Rebullón unha pequena xira estatal coa que presenta en directo Love Kills!, o seu novo traballo, antes de continuar por Valladolid e Madrid.

A banda alemá aposta por un son no que se mesturan velocidade, melodías épicas, grandes retrousos e guitarras contundentes, actualizando os códigos máis clásicos do power metal cunha produción contemporánea.

Na parada galega estarán acompañados por Unchosen Ones e Eleven, completando un cartel de tres bandas e convertendo o concerto nunha cita especialmente pensada para seguidores do metal melódico e do heavy metal da zona.

ENTRADAS AQUÍ