La Contedora inaugura a exposición 'O Punto Cachaldora' nunha sesión vermú co pianista Velpister

O artista Ourensano, Cachaldora, mostra no espazo La Contenedora, rúa Eduardo Iglesias, 11, Vigo, unha selección dos traballos realizados neste último ano. A mostra comenzará o 16 de decembro e estará dispoñible ata o 30 de xaneiro 2024. Pode visitarse de luns a venres de 8:30 a 20:30 e os sábados de 9:30 a 20:30.

A exposición leva por título O Punto Cachaldora, o mesmo ca sua primeira mostra. Un chiscar de ollo o xeito que ten de entender a arte, invariable, nestes 25 anos que leva mostrando o seu traballo. Rafael Cachaldora, nace en 1973 en Ourense, Galicia, é un artista multidisciplinar que traballa diversos materiais, soportes, e técnicas. Nesta ocasión no espazo La Contendora poderemos ollar unha mestura de escultura, pintura e unha novidade, lá sobre lenzo, esta última técnica na que a lá converte o lenzo nunha sorte de escultura enmarcada.

O sábado día 16 de decembro ás 13:30 terá lugar a presentación da mostra nunha sesión vermú amenizada polo pianista, Velpister.