René Merino aka @Rene_estamal leva debuxando desde pequeniño. Estudou Historia da arte e en 2013 empezou a publicar as súas viñetas con situacións cotiás con moito humor e ironía nas súas redes sociais, ata que un día o seu xefe creu recoñecerse nunha das súas carituras e despediuno.

Desde entón comezou a centrarse nos seus “debuxiños” creando o seu proxecto ‘Está mal, pero se puede empeorar’ co que continúa a día de hoxe e grazas ao que publicou xa tres libros coa editorial Lunwerg, converténdose nun referente nacional no mundo da viñeta e do humor con 419k seguidores en Instagram.

Agora, unido á súa recente paternidade, acaba de publicar “No se admiten devoluciones”, un entrañable testemuño en clave de humor que desmonta mitos sobre ser pai e que nos presentará este xoves, día 18, en Galería Maraca, inaugurando tamén “Contar con dibujos”, unha exposición con algunhas das súas viñetas.