O artista Simón Pacheco inaugura a exposición Epílogo (exploracións pictóricas na condición ondulatoria do tempo), unha mostra comisariada por Ángel Cerviño que propón unha reflexión sobre o paso do tempo a través da pintura.

A exposición toma como peza central Epílogo, un autorretrato que dialoga co pasado, o presente e o futuro, acompañado por unha serie de experimentacións plásticas nas que o artista investiga o xesto, o ritmo e a repetición como ferramentas para representar a natureza do tempo.