'ILUSIONANTE' de Pedro Volta

O ilusionista Pedro Volta presenta este Nadal o seu show de maxia familiar ILUSIONANTE. Con todas as medidas de seguridade e hixiene, escollen o Auditorio Mar de Vigo para que poidades gozar de forma segura, cómoda e ampla dun espectáculo sorprendente en vivo e en directo.

Un show de maxia creado para estes tempos. Pedro Volta, acertará predicións imposibles cos espectadores, verás maxia ultra moderna e emocionante inspirada en series e películas como La Casa de Papel, Regreso al futuro, os Cazafantasmas ou Mandalorian. Todo iso, acompañado cunha gran pantalla para que non perdas detalle en todo momento e alucines coa súa maxia. O ilusionista Pedro Volta, (semifinalista de Got Talent e director artístico de Galicia Magic Fest) fará que pasedes unha tarde ILUSIONANTE chea de maxia, emoción e asombro en familia.

Lembra que os nenos teñen que seguir soñando; e nós tamén. #culturasegura #aculturasegue

ILUSIÓNS ÓPTICAS NO HALL:

Antes de entrar no show ILUSIONANTE ou ao terminar poderás ver curiosas ilusións ópticas e facerte fotos súper máxicas para ter un bo recordo este Nadal. Todo iso con todas as medidas de seguridade, hixiene e distancia.

Agasallo especial para os asistentes ao espectáculo ILUSIONANTE.

A experiencia non terminará no show en directo.

Se vas ver ao Auditorio Mar de Vigo ILUSIONANTE daranche un código secreto para gozar dunha mañá máxica en liña con Pedro Volta en streaming na que os nenos aprenderán increibles trucos de maxia por Zoom. Esta mañá máxica virtual terá lugar o día despois de Reyes (7 de xaneiro de 2021) e terá unha duración de dúas horas.