Entre o 8 e 10 de agosto, VigoPlan Events organiza a segunda edición da Festa da Cervexa na azotea do Centro Comercial A Laxe, un evento aberto e gratuíto que reúne aos amantes da cervexa, a música en directo e a gastronomía nun ambiente único con vistas ás Cíes.

Haberá postos de diferentes tipos de cervexa, incluíndo propostas artesanais locais e marcas recoñecidas. Cada un ofrecerá distintos estilos para descubrir, comparar e desfrutar. Para acompañar á cervexa, a festa contará cunha zona gastronómica con produtos para todos os gustos: xamón, conservas, tortilla, salchichas e máis. A maiores, realizaranse concertos en vivo e un DJ local xerará un ambiente festivo e dinámico.

Esta edición conta cunha novidade: o BIRRA PASS, un pase especial que por 10,00 € ofrece:

• Dúas cervexas artesás
• Unha cana Damm
• Vaso oficial (reutilizable)
• Participación no sorteo de agasallos en Bienestar Moaña ou nas Cabañitas del bosque

Pódese mercar AQUÍ.