Un dos plans máis apetecibles do verán son os concertos na Fundación Sales, esa pequena xoia aínda descoñecida para moitos vigueses. Coa chegada do verán volve a actividade musical á Fundación Sales. O xardín botánico situado na avenida de Europa acollerá en xullo catro concertos de estilos variados. Con este tipo de eventos, a Fundación busca atraer a novo público e divulgar a súa ampla variedade de flora.

Hot Air Balloon é un dúo luso-irlandés formado por Tiago e Sarah-Jane. Desde o seu nacemento en Vigo, actuaron por Portugal, España, Irlanda, Bélxica e Francia, compartindo o seu son profundamente emotivo e íntimo. O seu álbum debut, Behind The Walls (2016), foi aclamado pola crítica e nomeado aos Premios de Música Independente en Nova York. Agora regresan con Come This Far, o seu segundo traballo. O álbum reflicte a súa traxectoria vital, o amor e a paternidade.

– 12 xullo a 13:00 h: Galkan (7 €)
– 17 xullo as 20:00 h: Francisco Castro (10 €)
– 18 xullo as 20:00 h: Santiago Meijide (10 €)
– 19 xullo as 20:00 h: Hot Air Balloon (10 €)

Reservas: info@salesxardin.com