A Casa Galega da Cultura acollerá unha xornada de homenaxe a María do Carme Kruckenberg con motivo do centenario do seu nacemento. O acto, coordinado por Malós Cabrera e Malores Villanueva, combinará a reflexión sobre a súa figura e a súa obra coa lectura dalgúns dos seus poemas.

A programación incluirá a conferencia A onde fun, tornei a Vigo, impartida pola súa biógrafa, Mercedes Queixas, así como un recital poético na voz de Luísa Abad, Pepe Cáccamo, Oriana Méndez e Silvia Penas.