'Heredarás el cosmos'

Herdarás o cosmos é á vez un ensaio, unha mirada dramatúrgica e unha investigación escénica sobre o estremecimiento que se produce xusto antes do colapso, cando se fai latente a imposibilidade de seguir tendo os mesmos privilexios (cando triunfa o inextinguible e asoma un medo escuro que ameaza con deixarnos xeados).

Dalgunha maneira, Herdarás o cosmos quere ser unha experiencia estética ao redor da idea da transformación voraz que sufriu o planeta desde os anos 60-70 do século XX ata a actualidade. O punto de partida é unha foto de cando neno, na que o autor apoia a súa man sobre un bidón baleiro, e o punto de chegada son as imaxes do gran incendio da Serra da Culebra en Zamora que devastaron de maneira incontrolada todo o que se situaba ao seu alcance.

«Agora só queda inferno, estremecimiento fronte ao que ha de vir. É un tremor existencial, paradoxal, que nos obriga a refuxiarnos no bosque como acubillo último, a pesar de que xa non quedan bosques, a pesar de que o consumismo acabou con eles, a pesar de que os bosques arden e arden por mor do caos».

E en metade da viaxe: as follas duns álamos temblones que bailan ao unísono movidas polo vento, unha mascarada de inverno na que os diaños auncian o próximo final dunha orde imposta, unhas tenazas que se estenden cara ao futuro, a desorientación da vida salvaxe, o propio corpo narrando as súas resistencias persoais a un desenvolvemento que sempre levou implícita a palabra destrución (ou a palabra caos).

Unha xeración “herdou” a gran colleita do capitalismo pero non todos os individuos aceptaron esta herdanza como lexítima. Tamén nos ollos daqueles herdeiros (entón nenos) habitaba a desobediencia.

Horarios, no Teatro Ensalle:

19 Maio: Venres – 20:00 h
20 Maio: Sábado- 20:00 h
21 Maio: Domingo- 20:00 h

Entradas aquí.