Hematofesti: A cultura tamén é economía

O festival impulsado por Ledicia Costas e Alberto Vázquez en tributo ao Hematocrítico xira arredor da literatura infantil, o galego e o humor como industria e vehículo de aprendizaxe. O evento, que se celebrará do 6 ao 10 de novembro, aposta polo ambiente familiar e a boa onda que caracterizaba ao Hematocrítico nas redes sociais. 

As entradas para asistir ás dúas galas que programa o evento están á venda nesta ligazón.

Preme aquí para consultar toda a programación

Venres 8 ás 19:00 h – Afterwork con CIJE. A cultura tamén é economía

Coloquio entre Xabier Romero (Editorial Elvira), Víctor Mascato (Triqueta Editora) e Tamara Novoa (Revista A Movida)
Tres figuras viguesas de gran relevancia no ámbito da empresa e a divulgación cultural compartirán unha hora cxs emprendedorxs de Vigo para reflexionar en común acerca do valor da produción cultural na economía. Hematocrítico foi un exemplo neste sentido: a súa capacidade de influencia levouno a colaborar profesionalmente con grandes axencias de comunicación e empresas como Nintendo ou Roche, entre moitas.