O mércores 11 de marzo Versus recibe a Julián Hernández, que falará do seu último libro: Han de caer del todo.

A novela traslada ás lectoras e lectores á tenebrosa España dos últimos días de Franco, á que chega Umberto Sykes, un axente coa misión de salvar a Humberto Baena do pelotón de fusilamento.

Publicada por Trama, a obra sérvese do humor e do desenfreo para mostrar a lúgubre paisaxe da ditadura.

Por se a soa presenza do autor non fose suficiente para asegurar risas e sorpresas, Julián Hernández estará acompañado por Alberto Avendaño: todo un espectáculo que ninguén debería perder.