Habraham Barrios, artista venezolano (Caracas, 1989) é o terceiro artista en expoñer no centro ArteSá. Este xa expuxo previamente noutros espazos da cidade como, por exemplo, en Navia Espacio de Arte coa súa exposición La Mesa está servida. Na súa obra podemos ver a intención de captar a esencia dos pequenos momentos e do cotián, dándolle unha reinterpretación a xéneros clásicos como o bodegón, pero desde unha mirada fresca e contemporánea. A exposición estará dispoñible ata o 31 de novembro e poderanse adquirir as pezas do autor. Como sempre, a intención de ArteSá é axudar aos artistas locais e a darlles un espazo onde poder mostrar a súa obra ao público local. No evento haberá petiscos e bebida e unha breve presentación e entrevista ao artista.

HORARIO DE VISITA

• De luns a venres: 11:00 -14:00 h e 17:00 – 20:00 h