La Pecera organiza un concerto de Guy Davis, unha lenda viva do blues, dúas veces nominado ao Grammy na categoría de Mellor Álbum de Blues Tradicional. A maiores, recibiu numerosas nominacións e acadou algúns recoñecementos como o Keeping the Blues Alive Award.

O seu máis recente álbum, The Legend of Sugarbelly, dá continuidade a Be Ready When I Call You, ambos os nomeados ao Grammy. Este novo traballo inclúe temas extraídos dunha obra teatral en desenvolvemento e destaca a emotiva canción ‘Early In the Morning’, escrita durante os días máis escuros da pandemia.

Con quince álbums en solitario e participacións en numerosas compilacións e discos tributo, a carreira de Davis abarca tamén o cinema, a televisión, Broadway, Off Broadway, o ensino musical, a literatura infantil e, por suposto, o blues americano.

A súa música e letras están profundamente influenciadas por lendas como Blind Willie McTell, Big Bill Broonzy e Lightnin’ Hopkins, e tamén incorpora ritmos africanos inspirados en Babatunde Olatunji. Coa harmónica, adopta técnicas de grandes como Sonny Terry.

ENTRADAS AQUÍ.