GUADA preséntase en Vigo por primeira vez na Pecera para dar a coñecer o seu sexto traballo en solitario, “Algo familiar”. Este novo álbum, que percorreu máis de 15 cidades españolas durante a primeira metade do ano, é unha viaxe introspectiva que atravesa a canción de autora con texturas que van dende a americana e o folk-rock ata ritmos latinoamericanos, orixe da propia artista, e que explora temas de identidade, memoria e conexión familiar.
Esta presentación en directo, na que GUADA, recoñecida pola súa expresividade e polas súas postas en escena, interpretará cancións do seu novo álbum, así como algúns dos seus temas máis emblemáticos de traballos anteriores. Ademais, levará consigo o vinilo do novo álbum, dispoñíbel para os asistentes.
Despois da súa xira por España, GUADA viaxará a Latinoamérica para compartir a súa música con novos públicos.

Entradas