El Contrabajo organiza un concerto de GRACIAS x NADA, KINSS x DEICA e GLYCERINE.

GRACIAS x NADA é un trío de pop-punk / skatepunk vigués que mestura o estilo melódico do pop cos ritmos rápidos e potentes do punk, con influencias de bandas do xénero dos anos 90 e 2000.

KINSS x DEICA é un dúo compostelán de pop-punk cargado de enerxía que combina melodías apegadizas cunha actitude irreverente e xuvenil.

GLYCERINE é unha banda de rock alternativo viguesa que cultiva diferentes subxéneros dentro deste. Comeza coa idea de Dani (voz e guitarra) e Adri (baixo) de crear un proxecto con influencia do rock dos noventa, ao que se unen Gabriel (batería) e Igor (guitarra). Entre todos, buscan chegar tanto a un público novo como aos que creen que xa viron todo o que o rock puido ofrecer.