A Sala Ártika acolle o espectáculo familiar Gira el mundo, caracol, da compañía Teatro Arbolé. A proposta, recomendada para público a partir de 2 anos, combina teatro de monicreques e obxectos para contar a historia dun pequeno caracol que descobre o bosque, as estacións, a amizade e os cambios da vida a través dunha viaxe tenra e poética.

A obra aborda temas como o paso do tempo, as transformacións e o crecemento persoal desde unha mirada sensible e adaptada á infancia. Dirixida por Azucena Roda e interpretada por Julia Juárez e Zamantha Montiel, a función forma parte da programación familiar da sala viguesa. As entradas teñen un prezo de 9 euros en venda anticipada online e 11 euros na billeteira.

Entradas