Estilo: Folk Fusión Galego

Galkan presenta un concerto no que darán a coñecer os novos temas do seu próximo álbum Pelerinaxes, que verá a luz este ano. A súa música combina creacións propias inspiradas nas raíces galegas da muiñeira ou a xota con estruturas máis próximas a ritmos doutras latitudes, como a rumba, e letras que abordan o feminismo, a protección da infancia, Galiza, Latinoamérica e as experiencias persoais dos integrantes do grupo. 

Nesta nova fase, as composicións incorporan tamén novos referentes e miradas, bebendo da tradición oral galega a través de figuras como Florencio, o cego dos Vilares, e da forza lírica da poesía de Paco Souto.  

Formación:
Cristian Rodríguez (baixo e pandeireta)
Manu Castro (guitarra)
Lina Lóbui (voz)
Abraham Herrero (ventos)
Lucía Pretone (violín)

Entrada inversa