Un dos plans máis apetecibles do verán son os concertos na Fundación Sales, esa pequena xoia aínda descoñecida para moitos vigueses. Coa chegada do verán volve a actividade musical á Fundación Sales. O xardín botánico situado na avenida de Europa acollerá en xullo catro concertos de estilos variados. Con este tipo de eventos, a Fundación busca atraer a novo público e divulgar a súa ampla variedade de flora.

A Fundación Sales organiza unha sesión vermú, acompañada dun concerto do proxecto galego Galkan, formado por Cristian Rodríguez (baixo e pandeireta), Manu Castro (guitarra), Lina Lóbui (voz), Abraham Herreros (ventos) e Lucía Prieto (violín). Cun estilo folk fusión galego, a banda tocará música propia inspirada tanto nas raíces galegas (como a muiñeira ou a xota) como en ritmos doutras latitudes (por exemplo, a rumba). As súas letras abordan temáticas sociais, desde experiencias persoais propias ata o feminismo ou a protección da infancia.

– 12 xullo a 13:00 h: Galkan (7 €)
– 17 xullo as 20:00 h: Francisco Castro (10 €)
– 18 xullo as 20:00 h: Santiago Meijide (10 €)
– 19 xullo as 20:00 h: Hot Air Balloon (10 €)

Reservas: info@salesxardin.com