Galkan é unha banda galega de música propia que mestura ritmos tradicionais como a muiñeira e a xota con influencias do folk fusión, a rumba e o punk, movéndose entre o acústico e o eléctrico cunha sonoridade marcada pola raíz e a mestura cultural. Nas súas letras teñen presenza temas como o feminismo, a protección da infancia, Galiza, Latinoamérica e as inquedanzas persoais dos integrantes.

Nesta nova fase, as composicións incorporan tamén novos referentes e miradas, bebendo da tradición oral galega a través de figuras como Florencio, o cego dos Vilares, e da forza lírica da poesía de Paco Souto.