A banda galega Galka presenta o seu proxecto musical baseado na composición de temas propios que funden ritmos tradicionais como a muiñeira e a xota con influencias que van desde a rumba ata o punk. Movéndose nun equilibrio entre o acústico e o eléctrico, as súas letras abordan o feminismo, a protección da infancia ou a conexión cultural entre Galicia e Latinoamérica, incorporando ademais referentes da nosa tradición oral como Florencio, o cego dos Vilares, e a poesía de Paco Souto.

A formación está integrada por Lina Lóbui (voz), Cristian Rodríguez (baixo e coros), Manu Castro (guitarra), Abraham Herrero (ventos e coros), Lucía Pretone (violín) e Pablo Barrio (batería).