Galicia Fiddle Orquestra

O goberno municipal organiza varios concertos durante este Nadal co fin de levar a música en directo a diferentes espazos da cidade, entre eles, a árbore situada en Policarpo Sanz, a Igrexa de Fátima ou a Concatedral de Santa María.

O martes 28 de decembro Galicia Fiddle Orquestra dará un concerto de corda na árbore de Nadal, ás 19:30h.

PROGRAMACIÓN

• Sábado 18: Big Band Gallaecia na árbore, 19:30 horas
• Luns 20: concerto de corais na árbore, 19:30 horas
• Mércores 22: Joao Paulo, contratenor na árbore, 19:30 horas
• Xoves 23: Joao Paulo na Igrexa de Fátima, 19:30 horas
• Domingo 26: Banda de música no adro da Igrexa de San Mauro de Matamá ás 12:30 horas da mañá
• Domingo 26: concerto de corais na árbore, 19:30 horas
• Martes 28: Galicia Fiddle Orquestra, concerto de corda, na árbore, 19:30 horas
• Mércores 29: grupo de zanfonas da EMAO na árbore, 19:30 horas
• Xoves 30: concerto sacro da soprano Marta de Castro na árbore, 19:30 horas
• Domingo 2 de xaneiro: banda de música na árbore, 19:30 horas

En cumprimento do Plan de Autoprotección do Nadal e seguindo a normativa sanitaria marcada pola Xunta de Galicia, os concertos da árbore terán un aforo máximo de 1.000 persoas, que estarán distribuídas en dous bloques de 500, coa recomendación de levar máscara de protección. En tódolos espazos previstos, a entrada será libre ata completar o aforo.