A Sala Supersonic acolle Gafe, un show de Manu Partida.

SINOPSE

Cando nos pasan cousas malas, ou simplemente raras, dicimos que é mala sorte. Pero cando é un non parar de coincidencias, unha tras outra, pensas: “Pois a ver si vou ser gafe”.

Neste novo show de comedia, Manu Partida explica con palabras e imaxes como chegou á conclusión de que é gafe e o vai demostrar en cada sitio ao que vai: a estación de autobuses de Madrid, Valencia en fallas ou Chipiona e os seus camaleóns.

Tamén explica que existen os antigafes: xente á que todo lle sae ben, ata sen querelo, e pode facerse famosa ou millonaria cunha idea de merda.

É posible que ao saír deste espectáculo coñezamos cal é o segredo e nos cambie a vida. Ou non. Pode que só botemos un bo rato de risas e punto. É máis, se saes do show igual que entraches, considérate afortunado.

Recorda que Manu Partida é gafe.

ENTRADAS AQUÍ.