Tras anunciar a súa nova etapa artística deixando atrás o alias “G Face”, Gabriel Fandi confirma o seu primeiro concerto en Galicia co seu nome actual: será en Vigo, no Teatro Salesianos, o sábado 1 de novembro ás 20:00 h.

Un formato deseñado para auditorios e teatros no que Gabriel ofrecerá 90 minutos de repertorio cos seus éxitos en castelán e galego, ademais de cancións que marcaron a súa vida. O artista sorprenderá con escenas inéditas que non se viron na súa xira de gran formato ata o de agora. Estará acompañado pola súa banda: catro músicos e dúas coristas.

A velada contará con dous nomes moi queridos polo público galego: a lucense Lucía Pérez, recoñecida pola súa brillante traxectoria e o seu paso por Eurovisión, e o vigués Xisco Feijóo, referente do folclore contemporáneo galego e figura clave na renovación da música tradicional.
Ambos compartirán escenario con Fandi en colaboracións únicas, deseñadas especialmente para esta noite.

ENTRADAS