As Fritanga Sessions son jams de improvisación libre nas que calquera pode participar, sexa ou non músico. Ademais de guitarras, sintes, baixo, micrófonos e batería, contan con numerosos instrumentos de percusión para que ninguén quede fóra. Aquí non hai público: todas e todos improvisan.

Desta vez, a última edición do ano será de improvisación sobre vídeos aleatorios que se proxectarán en directo. Unha proposta para gozar da música en liberdade, sen necesidade de saber tocar nada, só con ganas de pasalo ben.

A cita será o xoves 11 de decembro ás 21:30 na Sala Kominsky.