Frans Banfield e Gabriel McKenzie pechan o primeiro ciclo das Sesiones Acústicas de Rockbox.

Ademais de produtor e músico, Frans Banfield impulsa moitas iniciativas musicais, programacións, eventos, jams, festivais e booking de banda na cidade de Vigo. É quen organiza o Festival Internacional de Blues de Nigrán ou o Vigo Vocal’s Reunion. A maiores, este ano foi nominado aos Premios da música Maketon de Vigo, ao Premio especial A Toda Una Vida Musical, valorando a súa traxectoria e influencia.

Pola súa parte, Gabriel McKenzie é un reputado guitarrista e vocalista de rock e blues, tamén coñecido por ser o front man de Zälomon Grass, un potente trío de rock setenteiro que está arrasando polos escenarios.