Un dos plans máis apetecibles do verán son os concertos na Fundación Sales, esa pequena xoia aínda descoñecida para moitos vigueses. Coa chegada do verán volve a actividade musical á Fundación Sales. O xardín botánico situado na avenida de Europa acollerá en xullo catro concertos de estilos variados. Con este tipo de eventos, a Fundación busca atraer a novo público e divulgar a súa ampla variedade de flora.

O músico, escritor e editor Francisco Castro, ofrecerá vindeiro xoves, 17 de xullo, na Fundación Sales (na Avenida de Europa) e ás 20 horas, un concerto en formato acústico e íntimo no que, ademais, presentará algunhas das súas novas cancións. Este formato de concerto combínase cos que está a facer coa súa banda polo conxunto do país. Este verán, o músico vigués ten unha apretada axenda e este será o seu único concerto na súa cidade natal. Francisco Castro ofrecerá unha experiencia cercana e íntima co público, diferente ao habitual dos grandes escenarios en auditorios, teatros ou ao aire libre. O músico poderá comunicarse así directamente cun público que vai estar sentado practicamente á súa beira en íntima complicidade.

– 12 xullo a 13:00 h: Galkan (7 €)
– 17 xullo as 20:00 h: Francisco Castro (10 €)
– 18 xullo as 20:00 h: Santiago Meijide (10 €)
– 19 xullo as 20:00 h: Hot Air Balloon (10 €)

Reservas: info@salesxardin.com