BOSQUEXO é o espectáculo en solitario que ofrece este ano FRAN ZÉLOP (Filophóbicas, Condensadores de fluzo). Unha visión propia dun mundo que colapsa da peor das maneiras e o desexo utópico doutro mundo que non existe, aínda.É un cantor que descarga a súa rabia dende a diversión e de forma retranqueira, e intenta xerminar nos cerebros do público algunha pequena semente de vencer.

MANU KASOAPARTE leva dende o 2002 subido aos escenarios como vocalista en grupos como Redimir Al Redentor, Kaso Aparte e Kambotes.En 2023 despois dun parón musical comeza comocantautor punk para espallar o “punk d’aldea” polo país. Neste 2025 fará unha xira para presentar o disco “Punk d’aldea”, que é o primeiro traballo en solitario grabado en outubro de 2024.