FOTOCOPIA é a posta en práctica dunha hipótese. Como método: ás escuras, lanzarse e tropezar intermitentemente coa luz. Non sabes o que acabas de ver e iso está ben. Esquecer toda arquitectura e practiquemos xuntos este inquietante aerobic.

Soa dixital pero graxento. Harsh pero Pop. Soa ao que adoitaba ser o futuro. De todos os xeitos estas cousas, como os cadáveres, só se etiquetan a posteriori. Proto-EBM-industrial-galician-noise-post-punk que tal? (NOTA: é posible que che flipe se es fan de Fasenuova, Schwefelgelb, DAF, L.F.T, ou Giant Swan)

CULT OF AUSPEX é como viaxar por un túnel sen luz ao final. Música experimental, con texturas escuras e industriais, sons inquietantes e samples ás veces esnaquizados ata facelos transcender a un plano emocional.
CULT OF AUSPEX é un proxecto singular.
A través da intensa procura das emocións, tanto as do espectador como as do artista, e fuxindo de convencionalismos técnicos como prioridade, pretende plasmar o son industrial e actual tanto nos seus directos como nas súas gravacións.
Desde un setup sinxelo, case minimalista, onde a idea do menos é máis e a de espremer instrumentos e aparellos vólvense obrigatorias, mestúranse as inquietudes e influencias do artista, como Puce Mary, SHXCXCHCXSH ou Varg.

PLASTIKAFFEN nace como proxecto paralelo do produtor J. Otero para dar saída ao seu son máis escuro. Sempre centrando o foco na música de baile, xéneros como o EBM, darkdisco, synthwave, italo, new acid beat e techno acedo danse a man nunha posta en escena híbrida baseada en suor e caixas de ritmo a 4×4.
Xunto a producións propias, a súa ao vivo abrígase ao amparo de influencias actuais como Marinelli, Stockholm Syndrome e Mr BC, e de clásicas como Boxcar, Front242 e DJHell.
Pronto estreará os seus dous primeiros temas, que presentará en directo o venres.

Entradas