A sala The City 2.0 acollerá unha nova edición de Flashbacks Vintage Pop Up, un mercado efémero dedicado á moda vintage e de segunda man. Durante dúas xornadas, as persoas asistentes poderán atopar prendas de marcas recoñecidas e artigos orixinais con prezos que partirán dos 5 euros, ademais dunha selección premium para os amantes das pezas máis exclusivas.

A cita terá lugar os días 20 e 21 de xuño en Churruca, con acceso gratuíto e centos de prendas de estilo retro, deportivo e urbano para renovar o armario sen gastar de máis.