O vindeiro sábado 8 de novembro ás 17:00 horas, o Centro Comercial Camelias acollerá unha nova cita do ciclo Creciendo Juntos, coa charla gratuíta “Fisioterapia respiratoria no bebé e no neno”, impartida por Yolanda, especialista do centro Desenvolvemento Infantil Espiral.

A sesión está dirixida a familias e persoas coidadoras interesadas en coñecer como a fisioterapia pode axudar a mellorar a función respiratoria dos máis pequenos, previr complicacións e favorecer o seu benestar xeral. Abordaranse tamén pautas sinxelas para aplicar na casa, sinais de alerta ante problemas respiratorios e a importancia dunha intervención temperá.

A actividade require inscrición previa en liña e as prazas son limitadas.

Co ciclo Creciendo Juntos, o Centro Comercial Camelias continúa a apostar por ofrecer espazos de aprendizaxe e acompañamento ás familias, achegando á comunidade contidos útiles sobre saúde, educación e crianza positiva.