Firma de libros 'El día que fui juzgada' con Teresa Chamorro

El Corte Inglés acollerá tres eventos literarios dentro do ciclo Sentir os libros. Os actos son na librería do 5º andar, con entrada de balde.

14 de setembro ás 19:30 h – Coloquio “Nuevas voces de la literatura fantástica gallega”, entre os escritores Keiz Noyers e Pablo J. Rañales. Trátase de dous dos escritores galegos máis novos e con maior proxección dentro da literatura fantástica, grazas á calidade e orixinalidade das súas obras, que os levaron a gañar certames literarios como o de Novos Talentos, da editorial Croosbooks e o Illa Nova Narrativa, organizado pola Editorial Galaxia co patrocinio de El Corte Inglés, respectivamente. Tratarán temas como o estado do xénero na literatura galega, así como a súa presencia actual e cara onde se encamiña.

22 de setembro, de 18:00 a 20:00 h – Firma de libros de Teresa Chamorro, novela El día que fui juzgada. Trátase dunha historia que mestura a experiencia persoal da autora no mundo da sanidade cunha trama chea de suspense e misterio arredor dun asasinato nun hospital.

30 de setembro ás 12 horas. Trátase do contacontos de Una familia de embrujo, coa autora Valeria Mederer. Unha actividade infantil arredor dunha divertida historia sobre a amizade, a solidariedade, a empatía e a diversidade familiar. Para poder participar será necesaria unha inscripción previa a través do enderezo electrónico eventosvigo@elcorteingles.es .