O certame musical O Bateason chega á súa quinta edición cunha gala
final aberta ao público, unha iniciativa do CIFP Audiovisual de Vigo que
promove o talento emerxente das bandas galegas.

Durante a gala, o público poderá gozar das actuacións en directo de cinco bandas da
comunidade, que subirán ao escenario para presentar as súas propostas musicais e tentar
convencer ao xurado profesional. As bandas participantes nesta edición son Lazy Art,
Amaramar, Baleas, Tear Down e Smoke Sellers.