Fin de ano en Praza América

ACTUALIZACIÓN: Festa cancelada por previsión meterolóxica adversa.

Despois de dous anos de parón, a cidade de Vigo volve celebrar unha das súas citas de Nadal máis consolidadas e multitudinarias, a festa de Fin de Ano de Praza América.

Desde as 23:00 comezara a reunirse a xente no barrio das Travesas para dar a benvida ao novo ano 2023 na única festa que se fai en toda Galicia con estas características: moita xente, ao aire libre, aberta a todo o mundo e para tódalas idades.

Para o evento, contarase coa actuación da orquestra La Fórmula, con 17 artistas e músicos sobre o escenario, ata as 3:00, cando lle tomará o relevo o DJ Yenniax ata as 5:00, polo que ambos ofrecerán cinco horas de música ininterrompida.

Ademais, celébranse as badaladas de fin de ano, que se seguirán co reloxo emblemático do Instituto Santa Irene, e haberá reparto gratuíto de uvas entre todos os asistentes.