Na sesión sorpresa de marzo temos o segundo traballo dun director estadounidense cunha atípica, inclasificable e fascinante filmografía. Nel retrata os terrores cotiás, eses medos que probablemente campan ao grande na sociedade actual aos que el soupo adiantarse como un visionario, e da man dunha recoñecida actriz protagonista coa que racha as regras tradicionais que Hollywood soe aplicar as súas estrelas.
A cita é o vindeiro luns día 27, ás 20:30h, no Auditorio Municipal do Concello, da praza do Rei. Como sempre, hai 15 minutos para saír e recuperar a cota pagada de 6,00€.