Festival TerraCeo: Os Resentidos

Os Resentidos presentan na terraza do Auditorio Mar de Vigo o seu primeiro álbum de estudio dende 1993. ‘Organización Nautilus’ é unha colección de novas cancións, ritmos contemporáneos, novas sonoridades e historias nas que se cruzan o capitán Nemo ou o tesouro de Rande. É, seguramente, unha das grandes citas musicais do ano en Galicia. Son Os Resentidos. Están de volta. O seu Nautilus comeza a súa singradura de TerraCeo.