Festival Terraceo: Arde Bogotá

Tras recibir varios recoñecementos no seu primeiro traballo chamado La Noche ( Sony Music 2021), transmitindo os claroscuros das súas aspiracións e decepcións xeracionais cun espectacular imaxinario de vinilos esgotados, permanencia en listas destacadas, seguidores entusiastas e salas de concertos desbordadas por todo o territorio Español, Arde Bogotá presenta agora unha declaración de intencións onde só eles coñecen os límites cun novo disco e un novo show de directo.
O segundo traballo de Arde Bogotá, Cowboys de la A3, son as historias dunha viaxe, o que lles leva e trae pola estrada de Cartaxena ao resto de España, para facer rock&roll.