Festival Rock&Soul 

Este venres 17 de Novembro celebrarase na sala Masterclub de vigo a terceira edición do festival Rock&Soul coas actuacións de La Yuca Funk e Blackstereo, a velada estará presentada pola artista viguesa Sabela Cereijo. O festival dará comezo ás 22:30h.

La Yuca Funk é unha banda cubano-galega formada en 2022. O show de Layuca é unha viaxe polos ritmos funk e a fusión latina, cun setlist composto por temas propios e potentes versións cheas de bo groove.

Black Stereo é un grupo de cinco músicos consagrados que nace co fin de achegarnos as súas propias versións da música negra con estilos como o Soul, Rhythm&blues, Rock&Roll, Funk… de artistas como Jamiroquai, James Brown, Michael Jackson, Stevie Wonder, Bruno Mars… entre outros.

Sabela Cereijo é unha cantante e compositora viguesa, con experiencia no teatro, música e televisión no panorama nacional e internacional desde o ano 2002.