O Grupo Etnográfico A Buxaina de Coruxo acolle unha nova entrega do Festival Folclórico Internacional de Coruxo nun evento multicultural o luns 28 de xullo ás 21:00 h. Macedonia, Guadalupe e Gran Canaria son os lugares de procedencia das bandas convidadas. O acto terá lugar no campo do Coruxo F.C., que albergará unha noite máxica reunindo as músicas tradicionais de distintos países.

Este evento anual, impulsado no 1990 por A Buxaina e organizado en colaboración co Centro Recreativo Artístico e Cultural de Coruxo, conta cunha cifra media de asistencia nas últimas edicións de 2.000 espectadores. Este ano, os protagonistas son: Viard Nouvelle, de Guadalupe ; a Agrupación Folclórica Farallón de Tábata, de Gran Canaria; e o Ensemble Nikola Vapcarov, de Macedonia; e o grupo anfitrión, Etnográfico A Buxaina de Coruxo.

O acto comeza ás 21:00 h, e as portas ábrense ás 20:30 h.