novembro, 2021

23nov(nov 23)18:00Festival '8 pés' da Orquesta Clásica de VigoACTIVIDADES PARA O COCO | De balde con reserva18:00 Concatedral de Santa María

Detalles do eventos

Coincidindo coa semana de celebración de Santa Icía, o programa de “8 pés” xirará ao redor do único órgano en activo nun templo da cidade co fin de divulgar a súa historia e a súa música entre o público. Este órgano sinfónico do romántico tardío foi construído polo prestixioso mestre Lope Alberdi en 1909. Xa en 2017 foi restaurado por Federico Acitores, conservando a súa esencia sonora e actualizando os sistemas.

A Orquesta Clásica de Vigo busca achegar o público a un instrumento rico e diverso como é o órgano, que podería ser entendido como o primeiro sintetizador da historia, un instrumento mecánico que era capaz de condensar unha orquestra cunha coral da man dun único instrumentista. O festival, ademais dunha cita musical, convértese así nunha cita para conservar a historia e a memoria. “8 pés” ofrecerá unha coidada programación que inclúe concertos de artistas recoñecidos a nivel estatal, charlas, encontros e visitas guiadas.

As actividades, que se desenvolverán na Concatedral de Vigo e na Escola Municipal de Artes e Oficios, serán de balde previa retirada de convite na plataforma Enterticket.

Sobre o título “8 pés”

A medida dos tubos dun órgano realízase en pés, sendo oito o tamaño do tubo máis grave que se adoita empregar. De aí xorde o nome deste novo festival de música: “8 pés”.

Máis

Hora

23 (Martes) 18:00

Localización

Concatedral de Santa María

Praza Igrexa, 10, 36202 Vigo, Pontevedra

X