Nunha desas prazas escondidas entre as rúas do Casco Vello Taverna Chao, Corbatas, Burla Negra e Ferry’s organizan de novo o seu particular festival con música en directo, gastronomía e artesanía. O que xurdiu case de improviso como unha especie de celebración e desafío ao acendido das luces de Nadal, agora adiántase para aforrarse o mal tempo neste outono sen chuvias. A festa é aberta para todo o público e gratuita, este sábado 18 de outubro.